الثلاثاء, 31 يوليو, 2007
رسالة عشك
****
شتلتك بالقلب شتلة عشك
صار القلب للعشق مشتل
شتلات الفرح ماتن بالحزن
غنواالعواذل والشامت الهلهل
ابات بحظن السقم ملهوف
ولامن علي بالكذب يسأل
شبكت الآه وطبكت الجفن
فاير دمع ع الخدين يهمل
جاد الدهر ولاضن بعد جود
ولاعاد القلب للغربه يحمل
عشق الوطن بلايه حدود
عشقك ياعراق بزناجلهم تزنجل
صفينه بلاأهل والغربه وحشه
غم الوكت زيج الوكت هدل
اطلب ياحبيبي القلب والروح
فدوه لك كل ماردت علي تدلل
اصبر باب الفرج مسدود
حايم بالغربه لعيونك مكيل
قلوب تنبض بنبض الوفه
فنجان اشربك من دمهم امهيل
هلهل يلفرات وغني يانخل دجله
وسط العصافير ايغرد البلبل
غربان حامت وكرها الفطايس
والحر ايتصيد صيد يذهل
ع العلو أيوكر لوراد ويبحر
لوعطش يشرب مية الصندل
فكرت وبعشقك تاه الفكر
تدري اشكثر بالعشك يكتل
رضعتني امي الوفه ومشت
عشقك من لبستني الجنجل
مو بالكيف وحي الحرف والشوق
من عشقك علي بكل وقت ينزل
تصبر ياقلب والصبر مريود
سال الحقد مي السيل يسهل
رب كريم وعادل بجوده
لونصب ميزان العدل يعدل
بقلوب الحقد خنجر حرفنه
غدر الوطن جبن ويخجل
غربه وشماته وحركنه اللوم
والمبيوع بالدولار بفضائياته يعذل
حلكه صفح راسه عفن
والسانه تلطخ بالكذب يرتك
فرس ومعربه وقومجيه ومهزله
مزن حقد ع الشعب كالمطر تهطل
شتل الكذب اثمر ضياع الوطن
صار العراق الكذبهم مشتل
ضيعو مسجد الاقصى وجندوا غربان
ذبحوا بغداد ببن العوجه الماتعدل
اشهك وزت الاوف يايمه
شوق الوطن بجفوني سنين جيل
جفلني الغدر جبنهم ملثم
أحو يالعراق الحر لوراد يجفل
هفو صيت الطيب يهل المرجله
جتنه اخبار منكم حيل تزعل
سنه وتشيع والاخر اشكال
خبط الخبط مخبوط ومشكل
خبطة فرس وانذال من العرب
طعم اللكح من حقدهم امفلفل
*****
***
**
*
طارق الأيهمي
31/7/2007
لندن
أضف تعليقا
أضف تعليقا
<<الصفحة الرئيسية
